【唇妝】閨蜜私心推介果汁色調美唇  全新氣墊唇筆迎新年

【唇妝】閨蜜私心推介果汁色調美唇 全新氣墊唇筆迎新年

發佈時間: 2019.01.21

轉眼又到農曆新年,又係各位sis扮靚靚,去拜年、出埠影靚相嘅好時機!新一年要美妝upgrade,最不容忽視當然係有點精作用,令成個人立即sharp 晒嘅唇妝啦!有無諗過近年由韓風牽起嘅「氣墊」底妝都可以延申至唇筆,締造一雙超水潤、零唇紋,性感又誘人的美唇?Revlon最新推出嘅「Kiss™ Cushion Lip Tint 絲絨霧彩氣墊唇筆」以創新柔軟氣墊筆頭讓你輕易勾勒出自然又超持久水潤唇妝。即睇氣墊唇筆嘅3大好處,令你今年農曆新年全天候可以保持美唇一雙!

1.一筆完美唇妝 全新設計氣墊筆頭

唔少化妝新手都對化唇妝感到好頭痛,唔係重手化得太濃,就係唇妝上得唔均勻、唇紋暴現,影響晒成個妝。呢款氣墊唇筆就可以幫你解決以上問題!佢唔單止方便易用,更主打水潤、高顯色度嘅水感妝效。各位sis只需扭動筆身,氣墊唇筆內嘅唇液瞬間就會滲透筆頭。最重要係嶄新設計嘅筆頭唔會造成唇膏結塊不均勻,每一位sis都可以將唇液嘅份量同唇色嘅深淺度控制得收放自如。只要輕輕點塗,雙唇就立即變得飽滿又柔潤,水感櫻唇話有就有,即使係「手殘」嘅化妝新手都可以畫出專業又自然的唇妝。

2. 果汁嫩唇 保濕滋潤好juicy
要雙唇夠滋潤,永遠都保持彈吓彈吓嘅幼嫩感覺?氣墊唇筆蘊含多種高效保濕滋潤嘅成份,包括愛美女生至鍾意嘅椰子油、馬魯拉果油同海甘藍油等。當中嘅維他命E配方同時有效修復乾裂粗糙雙唇,真係好正!雖然係超級滋潤,但質地一啲都唔會痴笠笠,仲係輕柔舒爽、不油膩,裡面嘅保濕精華更讓你嘅櫻桃小嘴從此告別乾燥脫皮、唇紋盡現,帶來最滋養、舒適的上妝體驗。

3. 約會不敗 超持久韓系漸變唇妝

全系列氣墊唇筆共有8款超悅目動人嘅果汁色調,只要薄薄搽一層已夠顯色搶眼,又夠自然,唔會over。而如果要化返個韓系染唇妝,只須從嘴唇中央點塗唇液,再由內往外暈染就搞掂!相信sis都想今年嘅農曆新年逗多幾封利事,兼約會不敗,用呈茶花色調#220 Pink IRL同帶紫調的櫻桃紅色#230 Naughty Mauve出擊吧!呢兩款色調相當百搭,唔同膚色嘅女生都handle到,一上色就展現出女性知性美。想更白皙性感,兼散發低調嘅嫵媚魅力,推介選用飽和鮮明嘅梅红色#240 Berry Lit同罌粟紅#260 Crimson Feels,佢哋亦最啱初試化紅唇妝嘅新手,美艷紅唇無難度。全新氣墊唇筆更帶有獨特嘅淡淡香草味,配上不同色調,讓櫻唇變成可口甜品,傾心又動人!

私心推介兩款極易襯色系!
分別係茶花色調#220 Pink IRL同帶紫調的櫻桃紅色#230 Naughty Mauve,咩膚色都啱用,一搽完,隱藏喺每位sis體內嗰種女性溫婉氣質即刻出晒嚟,絕對係約會必備!

茶花色調#220 Pink IRL

櫻桃紅色#230 Naughty Mauve

銷售點:REVLON莎莎、屈臣氏及萬寧彩妝自助專櫃

詳情:www.revlon.com

 

以上資料由Revlon提供。

睇盡最新美妝時尚情報及女生話題!

集結熱門女生主題
U Beauty
《女生扮靚懶人包》
貼心資訊 All in One! 立即用

最高瀏覽

集結熱門女生主題
U Beauty
《女生扮靚懶人包》
貼心資訊 All in One! 立即用