正在閱讀
新品推介 肌研極潤卸妝水超強卸妝力+保濕力!

新品推介 肌研極潤卸妝水超強卸妝力+保濕力!

發佈時間: 2018.08.09

卸妝卸得唔乾淨,或者㨂錯卸妝水,就等同識錯男友一樣,分分鐘毁咗肌膚嘅前途!要卸得乾淨兼有埋保濕效果,啱啱新出嘅肌研極潤卸妝水就值得一試!佢嘅超強卸妝力只要抹兩三下就已經可以抹走晒彩妝品,佢亦無加入酒精、paraben同礦物油等7種容易致敏成分,絕對係開架品牌超好用推介。我哋今次用咗4大測試,解構佢卸妝力、保濕力、溫和度同方便度,畀你睇清睇楚佢有幾勁!

測試1︰卸妝力

測試方法︰喺手背分別塗上粉底、胭脂及防水眼線,再用肌研極潤三合一清透卸妝水沾濕化妝棉,將化妝棉抹拭手背上嘅彩妝,睇下抹幾多下可以抹走晒啲化妝品。

結果︰只喺輕輕抹咗一下,就已經抹走9成彩妝,連自己都忍唔住「嘩」一聲,再抹多次已經全部清晒,原來佢採用高機能導出潔淨科技,以水油雙親成分快速溶化、包圍及徹底帶走防水彩妝,所以話咁快就可以卸走晒啲防水彩妝,得咗!

測試2:保濕

測試方法︰用皮膚測試機試吓卸妝前後皮膚水分度~

化妝時皮膚水分只有28%,使用肌研極潤三合一清透卸妝水抹走咗彩妝品後,唔單止冇繃緊感覺, 水分大大提升到42%,摸落仲柔滑咗,好驚喜!全因佢集合咗雙重透明質酸─納米級透明質酸同陽離子透明質酸,可以做到深層滲透肌底、同時响皮膚表面形成鎖水膜,達到「外鎖內補」嘅效果。

 

測試3:溫和

好多卸妝水都出現燻眼同刺激眼睛嘅情況,而且幾乎無一隻品牌係可以日日卸都唔會傷害皮膚!

而肌研呢支卸妝水無加入香料、色素、酒精、礦物油、苯甲、MIT同矽,減少咗呢7種容易致敏成分,非常溫和,就連眼唇都用得~

 

測試4:方便度

呢隻卸妝水採用直立式pump頭,只要撳一撳就可以取出適當份量,唔單只快捷易用又方便,一隻手用電話都搞得掂,又唔會浪費卸妝水~

肌研極潤三合一清透卸妝水

售價 : $139/380ml

8月隆重發售

銷售點:各大萬寧、屈臣氏、莎莎及藥房

資料來源︰肌研

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠

更多美妝打扮