MAJOLICA MAJORCA撒離香港!細數經典產品+必掃5件皇牌產品
發佈時間: 2018.10.18

日本開架嘅彩妝品好用又抵用就係人都知,擁有又靚又好用嘅MAJOLICA MAJORCA 更深得不少女仔歡心,品牌喺香港擁有不少粉絲,但最近有消息指品牌已決定今年撤出香港,各位迷妹真係要把握最後機會掃貨!

MAJOLICA MAJORCA以華麗包裝,加上質素極高的睫毛液深受女生歡迎,特別在每季都會推出「故事性」嘅主題,之前就出過洋娃娃、慾望的女伯爵、翱翔夜景的公主等主題,夠哂夢幻,難怪女仔一見傾心!當年品牌未登陸香港,已經俘虜一眾香港粉絲,但想買就只有飛到日本先可以大手入貨。難得品牌約10年前正式進駐,一上架貨架瞬間被沽,可見其受歡迎程度。不過最近官方就確認品牌將於10月底撤出各專櫃,重點美睫產品則售賣至年底,聽到呢個惡耗真係有啲眼濕濕,就等我哋先回顧一下MJ經典產品,再睇埋5大必入皇牌產品,再立即去入貨!

 

經典回顧

NO.1頭號經典產品!廣角魅惑激長睫毛液

品牌有美睫王國之稱,最經典產品,莫過於可以一用即變蛙蛙眼嘅激長睫毛液「廣角魅惑激長睫毛液」。佢嘅掃頭可以全面捕捉眼角短小睫毛,掃出來自於更激長、更濃密、更廣角!呢支睫毛淚亞洲已賣出1,000萬支,可想而家有幾犀利!但呢支超好用嘅睫毛液出到第四代就冇再出,只能當係美好回憶。

 

No.2經典產品!Gel Liquid Liner

呢支筆最適合成日「變妝」嘅女仔,一按出墨嘅設計,可以輕易調節粗幼濃度,隨心打造柔和以至鮮明眼線效果!配合柔軟毛筆型筆尖,加上0.02mm極纖細筆毛,想畫出眼尾纖幼眼線無難度!

 

No.3 經典產品!花漾胭脂

小小一盒的花漾胭脂,外型是一大亮點!3色閃亮粉末,掃勻全面瞬間可以令膚色變得透亮又紅潤,仲可以當埋眼影咁用,真係瞬間戀愛運 UP!

 

經典產品要入手不用多說,網民亦推介5件皇牌產品!

必掃皇牌產品清單,即check!

 

1. Lash Expander Liquid Extension

稱得上美睫王國,首位要掃嘅,當然唔少得簽名式睫毛液!呢支含精華成分加上延展基底,加上旋鬈塑形刷頭可以從睫毛根部開始拉長,令睫毛變得又長又翹!最重要係防水易卸混合型配方,耐汗、防水、防油又可以溫水卸除,減少對睫毛嘅傷害。

 

2. Open your eye 眼影

大眼就是美~ 雙色組合眼影可以營造立體深邃效果,輕易打造出明亮的大眼妝,細細盒拎出街補妝勁方便!

 

3. 保濕透滑粉底

又要粉底液咁貼服,又要似粉餅咁清爽,呢個MAJOLICA MAJORCA 就perfect fit!啫喱油分配方,可以為肌膚補濕,同時又含控油粉末keep住清爽不黏膩質感,可以話係粉底液與粉餅二合一!

 

4. 精華玩色唇膏

鮮明嘅唇色呢幾年都好hit,MAJOLICA MAJORCA 呢支唇膏CP值就好高!除咗顏色靚、又多選擇外,因為有乳木果、月見草油、透明質酸鈉等保濕成份,塗唇膏時可同時護唇,令唇妝keep住水潤光澤,好kissable !

 

5. 百變修顏胭脂

百變修顏胭脂一件產品,可以同時用喺臉頰、唇 、眉3個部位,只需用指尖便可以隨時隨地補粧,輕易調控。潤澤幼滑觸感輕易與肌膚融合,打造白裡透紅嘅好氣息!

 

 

資料由客戶提供

 

小小一盒的花漾胭脂,外型是一大亮點!3色閃亮粉末,掃勻全面瞬間可以令膚色變得透亮又紅潤,仲可以當埋眼影咁用,真係瞬間戀愛運 UP

經典產品要入手不用多說,網民亦推介5件皇牌產品!

必掃皇牌產品清單,即check

最高瀏覽