節日派對系列之「輕鬆快速轉妝攻略」

發佈時間: 2018.11.14

聖誕及新年已安排連串慶祝活動，想輕鬆轉妝去轉場？咁就要識得揀體積小巧精緻，效果又令人滿意嘅妝物，放喺小手袋入面，畀你隨時輕鬆方便咁快速補妝、轉妝。千揀萬揀，今年就以Charlotte Tilbury聖誕限定妝物脫穎而出，有幾掂？即時開箱話你知。

全新迷你Hollywood Lips唇釉套裝 $225。

(左) Hollywood Lips Too Bad I’m Bad－雅緻嘅玫瑰粉紅色；（右） Hollywood Lips Show Girl－温暖嘅深莓色調。

一支唇釉打造自信迷人笑容

迷你唇釉可以話係Charlotte Tilbury嘅皇牌妝物之一，向來深受名人、明星及超模所愛，今個聖誕推出嘅仲將Hollywood Lips系列換上限量迷你包裝，Super Kawaii呢～啞緻色調最適合明亮日妝，成份中蘊含蜂蠟及含有豐富透明質酸嘅海赤芍精華，滋潤雙唇，keep住豐盈水潤，一支唇釉就能讓你輕鬆展現開心燦爛笑容，散發自信光彩，成為全場焦點。除此，Charlotte Tilbury亦推出全新 SUPERSTAR 唇膏，唇色包括︰祼粉紅色調嘅Pillow Talk、玫瑰莓色調嘅Walk Of Shame、珊瑚紅色調嘅Happy Lips及莓色調嘅Confident Lips，顯色而且質感柔滑，重要係擁有高度亮澤及持久不脫色配方，玩足成晚唔使補妝都得！

全新Superstar唇膏　$270（共4色）

Pillow Talk /Happy Lips /Walk Of Shame /Confident Lips

全新BAR OF GOLD TRIO三色光影盤 $590

一盒有齊人氣及全新大熱嘅金色光影組合，包括（由左至右）最經典嘅The Original Gold；全新玫瑰金色調嘅Rose Gold及展現健康性感嘅Gold Bullion，塑造立體輪廓，閃爍效果讓你散發高雅脫俗嘅獨特光芒。

節日晚妝亮點

出席節日派對及晚宴之前，只要有Superstar唇膏及金色光影組合在手，就可以輕鬆轉妝，以瑰麗閃爍嘅party look再戰下場。先由日間嘅啞緻唇色換上嘅亮澤色彩開始；然後掃上全新Bar Of Gold Trio金色光影組合，別具層次感嘅三重金光色彩，加上閃爍效果，令輪廓更立體完美，輕輕一掃，即有畫龍點睛之效。