今次ETUDE HOUSE聯乘迪士尼小熊維尼嘅好朋友豬仔嘅美妝系列，喺包裝上都睇得出落咗唔少心機，好似唇彩嘅立體「豬仔耳」已經勁得意，仲有唔同表情顏色嘅「豬仔頭」胭脂亦迷倒唔少豬仔迷！單色眼影亦款款唔同造型，而且顯色度仲勁高，由Matt嘅啞緻粉色、到bling bling閃爍色系，都一一有齊，想做乜嘢妝效都無問題！今次仲同韓國同步上市，賣晒就無㗎喇，所以快啲睇吓邊隻係妳心水選擇啦~粉質細緻顯色出色顯色單色眼影 $39/$52呢次限量系列總共有8隻眼影顏色畀妳揀，只係將眼影喺手上面畫咗兩次，已經可以有咁出嘅效果，證明佢嘅眼影顯色度好足夠；而顏色方面就由淺至深、粉至啡、Shimmer到Matt都齊備，可以化到唔同妝效，襯乜造型都無問題！延展性高 輕易推出白裡透紅效果柔滑慕斯胭脂 $98至於胭脂就更加唔洗講！4款豬仔頭各有唔同得意表情，夠晒搶Fo，再加埋4款顏色，包括有今年大熱嘅珊瑚色、少女味滿瀉嘅粉紅、青春感十足嘅粉橙、同埋文青必備嘅玫瑰粉紅，都係彩妝必選之作！而質地亦好柔滑細緻，延展性都好好，掃出嚟效果亦好均勻，4款儲齊都唔為過！色澤持久 完美遮蓋原有唇色自然水感唇釉 $110 至於唇彩方面，色彩密度好夠高，就算原本偏深嘅唇色都可以遮蓋得好好，顯色度夠晒豐富，水感得嚟又夠出色，質感色澤嘅表現都夠晒Trendy！ 皇牌底霜 修飾補濕一take過偏愛清爽質感嘅妳，可以選擇清爽零毛孔底霜，幫助遮蓋粗糙毛孔外，仲可以均勻膚色，睇落更淨白細緻；加上防曬度達SPF 33 PA++，咁就唔怕紫外光傷害皮膚啦~而帶有淡淡粉紅色嘅就係保濕提亮美肌底霜，可以將粗大毛孔隱藏，質地仲好補濕，搽咗一層皮膚已經好有粉嫩效果！保濕提亮美肌底霜（Face Liquid Blur）$185清爽零毛孔底霜（Face Blur）$138 超適合冬天 皇牌保濕套裝除咗美妝外，連護膚豬仔都幫到你！迪士尼豬仔限量系列呢Set皇牌保濕套裝唔單只係保濕補水上好Work，佢仲可以提升返膠原蛋白減少流失，質感勁易吸收，唔怕笠黐黐，最啱而家嘅天氣用。皇牌保濕套裝 $270 （價值$319） 水漾底妝 展現剔透肌膚質感ETUDE HOUSE嘅氣墊Cushion粉底一向都深得人心，而且備有多種唔同嘅妝效！好似自然水感、控油、防曬、調節膚色、補濕等等都有齊。而今次推出嘅豬仔粉盒就可以任你隨時換Cushion款式啦！仲有呀而家買豬仔粉盒配Cream Filter Cushion粉芯，仲可以即減$20添！氣墊Cushion盒 $90 可愛造型化妝掃 除咗一系列性價比高嘅化妝品同護膚之外，今次聯乘，仲有超可愛豬仔造型化妝掃同化妝海棉。佢哋咁cute，一於一set用嚟化妝，一set用嚟儲啦！眼影掃 $55胭脂掃 $80化妝海棉 $70 帶埋豬仔and friends掃貨有嘢送！記得嚟掃貨時，帶埋豬仔/跳跳虎/瑞比/咿唷任何物品，因為只要Show呢班friend出嚟，就可以免費攞走埋保濕卸妝水旅裝25ml呀~ETUDE HOUSE查詢︰23752875 資料由客戶提供日本Visée新推自然裸色系眼影盤！超美羽毛壓紋眼線液、胭脂、眉粉Top3！韓國Glowpick 2018年「彩妝類」得獎名單揭曉8款潤色護唇膏合集！預防乾紋、死皮！增添粉嫩好氣息