跟男神陳家樂試用Origins大熱竹炭蜂蜜Mask

跟男神陳家樂試用Origins大熱竹炭蜂蜜Mask

發佈時間: 2018.07.26

近排火熱嘅話題,除咗有不老爺爺男神陳家樂,就連佢用乜嘢Keep得咁皮光肉滑都成為咗焦點!所以今次就要實測一下到底佢用緊呢隻Origins嘅竹炭蜂蜜潔淨滋養面膜,係咪同陳家樂一樣咁神!

親身試!感受不一樣的深層清潔!

點解今次特別要試吓呢隻Origins竹炭蜂蜜潔淨滋養面膜?因為Priscilla一向都係混合性皮膚,但經常响冷氣辦公室埋頭苦幹嘅佢,水份都被抽乾到一個點,所以都幾怕用傳統泥漿Mask做深層清潔,怕佢用時感覺繃緊,又難洗走;用後面上水份盡失又太乾!既然有呢位OL代表在手,就由佢親身試用,感受吓呢隻Mask係咪品牌所講得咁神,潔淨得來又滋潤啦~

測試1:試質感

打開蓋後,發現質地好似軟雪糕咁滑溜,唔似一般泥漿Mask咁硬身,仲帶有閃亮亮嘅感覺,夠討好!搽落手仲好易推,好似Cream咁柔滑。不過最好嘅地方係,呢隻Mask好易抹,敷咗10分鐘都保持住呢個狀態,用紙巾一抹已經乾乾淨淨,好容易清潔,唔會因為要大力清洗而拉扯肌膚!

測試2:深層清潔Work唔Work?

我哋先用熱毛巾敷响面度等毛孔張開,再搽上竹炭蜜糖Mask,過咗5-8分鐘後再用水清潔~咦~發現個鼻翼位好明顯毛孔乾淨晒,發紅嘅地方亦都有舒緩作用喎,唔乾之餘仲有滋潤感,好Good呀~

測試3︰測水分

Priscilla洗面後再用水分測試機檢查一下,居然有驚人發現!洗完面完全無水分流失嘅現象,反而仲高咗18%,由喊喊樣變返笑臉啦~咁睇嚟就算乾性皮膚都好啱用,唔怕一般深層清潔Mask帶嚟嘅乾燥不適啦~

用家感受:

Priscilla用完之後話最大嘅感受,就係 — Surprise~

因為佢以前最怕清潔Mask難洗得乾淨,每次都用力擦先捽得甩,不過今次輕輕一抹就搞掂晒,而且敷完feel到啲毛孔好通爽,鼻翼、鼻頭位亦好乾淨,毛孔亦即刻細緻咗,仲一啲都唔乾旱,夠晒滋潤又補濕~啱晒身處依家炎炎夏日空氣污染得驚人嘅香港女生用!Priscilla建議一星期使用兩次,咁就可以為肌膚溫和淨化同時提供源源滋潤。

既然Priscilla大讚,當然要折解一下呢隻Mask嘅來頭啦~原來Origins竹炭蜂蜜潔淨滋養面膜係用咗被譽為「黑鑽石」嘅活性炭成分,佢有天然強大嘅吸附力,可以好似磁鐵咁吸晒毛孔深處污垢,黑頭粉刺簡直無得留底;加埋Superfood蜂蜜之後,就兼備埋強效抗炎抗敏能力,舒緩及滋潤皮膚;配合埋高嶺土,就可以幫皮膚一次過排毒控油,完全滿足晒夏日皮膚嘅需要啦~男神果然冇介紹錯呀~

 

Origins竹炭蜂蜜潔淨滋養面膜 $310/75ml

 

了解更多:https://bit.ly/2L3kOpL

 

資料來源︰Origins

睇盡最新美妝時尚情報及女生話題!

品牌名稱點樣讀?
U Beauty
《品牌小字典》
教您讀,無難度! 立即用

最高瀏覽

集結熱門女生主題
U Beauty
《女生扮靚懶人包》
貼心資訊 All in One! 立即用