日本 NO.1全方位轉季保濕提案 救救乾燥敏感肌
發佈時間: 2019.10.11

唔少敏感肌女生去到轉季關口,肌膚就會響起警號!就算本身唔係敏感肌,因為長期受到office冷氣、紫外線、壓力等因素影響,都變得容易出現紅腫, 痕癢等問題。市面上咁多護膚品牌,真係唔知邊種至適合。作為日本NO.1敏感肌膚護理品牌嘅Curél一直以嚟都推出好多產品為肌膚補充水份,而且用起上嚟相對感覺溫和、弱酸性、無香料、無色素、無酒精,好似今次介紹嘅皇牌深層高效保濕面霜、極致柔潤保濕身體軟膏同潤浸保濕眼部精華,就啱晒合力擊退致敏原!

【擁有最強保濕成份!】

下面要為大家分享嘅三個產品都有同一重點,就係「潤浸保濕Ceramide功能成分」同桉樹精華!咁有咩咁勁呢?Curél首創嘅「潤浸保濕Ceramide功能成分」可以深入滲透至肌膚乾燥根源嘅角質層,加強水分子密度,幫助維持水潤同柔滑感覺,而且桉樹精華幫助肌膚自我增生「細胞間脂質Ceramide」,修護肌膚天然鎖水屏障,滋潤保濕。最重要獲得醫生認可功效,可以成為大家心目中最強保濕產品都係靠晒佢!

【一試愛上!皇牌深層高效保濕面霜!】

成為皇牌當然有佢嘅原因,因為佢係高效保濕!喺呢個乾燥環境下,又或者OL長期喺office涼冷氣,敏感肌膚非常容易缺水,有時候會甩皮或者連妝都上唔到,真係會好燥嫁!而呢個面霜高效滲透肌膚角質底層,keep住用可以變得柔滑富彈性,絕對係乾燥天氣必備法寶,就算係日日坐係office嘅我同你都唔怕dry呀!

 

【極致柔潤保濕身體軟膏修護身體每一part!】

講明全方位保濕提案,又點只面霜呢,而家就分享埋極致柔潤保濕身體軟膏,佢特別適合用喺極乾燥部位,例如膝蓋、小腿、腳跟及手肘,呢啲部位都不容忽視,要做到全面保護!當中包含「極致長效潤澤配方」,提升肌膚自我防禦能力,持續滋潤保濕8小時,用過就知兩星期已經可以明顯改善乾燥肌膚!

 

【靈魂之窗都要潤浸保濕!?】

眼睛係我地嘅靈魂之窗,絕對唔可以睇少!潤浸保濕眼部精華蘊含「角質滲透眼膜配方」同植物性細紋改善成分,可以深入眼周角質層,令眼周肌膚水潤度提升3倍,啱晒想減退眼紋嘅朋友。佢啫喱質地容易被推開,令眼周水潤飽滿,試一排包你望落都精靈啲、醒神啲呀~

 

呢個轉季要點樣對待你自己嘅敏感肌,相信都唔洗我再多講~皮膚咁重要當然唔可以亂揀,而日本No.1的乾燥性敏感肌膚品牌Curél得到日本專業皮膚科醫生推薦,又深受日本女生喜愛,咁就用得安心放心啦!今次轉季煩少樣嘢喇!

 

網址:http://www.curel.com.hk

售賣點:於指定萬寧、屈臣氐、莎莎、Colourmix、UNY、AEON、Apita 及 Piago發售

資料來源:Curél

最高瀏覽