香港美容院黑店常見中伏位+買療程注意事項 美容院黑店中伏經歷1：不斷Hard Sell 美容院黑店中伏經歷2：不良呃錢手法 美容院黑店中伏經歷3：誇大療程效果／引起副作用 美容院黑店中伏經歷4：不合理價錢 美容院黑店中伏經歷5：不良好體驗 消委會建議：購買美容療程注意事項 香港美容院排名推薦名單 相關文章：Facial療程5大推薦 | 新春前保濕/收毛孔美容療程介紹！附價錢功效早前有名香港女生在《東張西望》節目投訴自己於一間美容院購買豐胸療程，聲稱不吃藥、不打針、無副作用，可以自然豐胸，亦指他們不會「hard sell」。但她去20次就sell足20次，一年後更發現毫無效果，於是想將餘下療程全額退款，美容院卻回覆不接受退款，最終花費超過65萬港幣！難道想變靚真的有錯嗎？今次就蒐集了21位女生留言分享的美容院中伏故事經歷，貪靚的女生記得要小心！ 美容院黑店中伏經歷1：不斷Hard Sell 有不少美容院都會hard sell顧客，令女生超級卻步！個個女生都怕hard sell，但是為了變靚，唯有去做facial前先想定萬種籍口來拒絕購買套票。但只要有一時軟弱，便會被無良美容院誘惑，簽下超貴美容療程套票！ 中伏真實個案 網友A：「已經買左格仔未完但每次上去仲叫買野」 網友B：「買完RF療程無耐之後，話要加錢做咗保濕先可以開機做RF，話皮膚太乾公司唔俾開機。」 網友C：「每次做完療程都要入去黑房被人sell，唔買就好似殺左佢全家咁」 網友D：「疲勞式轟炸要買療程，仲想拎我身份證，扣住我，當然不會上當啦。」 美容院黑店中伏經歷2：不良呃錢手法 美容院黑店多先以優惠價錢來吸引顧客購買療程套票，但有女生分享購買療程後卻無法預約做美容服務，除非你繼續消費才能預約。 中伏真實個案 網友F：「係咁叫我買格仔 但之後約親都話full」 網友G：「畀完錢（四次），做咗一次就話結業，尾數（三次）轉第二間用，新的美容院一次等於我四次費用，做一次都要補錢。最後乜錢都攞唔到。」 網友H：「收埋你未完格嘅course,叫你又買」 網友I：「間美容院明知自己財困仲不停叫人買courses跟住一星期後走路，人去鋪空！」 網友J：「買完套票未用哂就執咗，轉介咗我去第二間話可以繼續用埋佢，點知去到第二間又係叫買套票，唔買仲好似唔想比我走咁」 網友L：「本身買咗一個10次嘅去眼袋course，有一次佢話可以用$200試做一部新機，咁我見平平哋就試吓。點知洗完面磨沙 針清完就做嗰部新機，之後就完，眼袋course冇幫我做，仲扣咗我一次course.我問點解，佢話試做新機就冇舊機做。哦，原來試做係咁解:)」 美容院黑店中伏經歷3：誇大療程效果／引起副作用 有些美容院黑店為了讓顧客購買更多療程，會誇大其療程的美容效果，例如「做完一次會有超大分別」等。結果女生可能會發現並無太大變化，甚至因其不專業美容手法出現爛面、過敏等情況，得不償失。 中伏真實個案 網友M：「眼睫毛電到炒晒 連冇要求電嘅下眼睫毛都炒埋」 （相片由受訪者提供） 網友N：「打完斑3小時後出現爛面情況 回去要求退款但被拒絕 之後打上公司熱線要求退款 最後用各種方式表示不能退及表示『幫你做番個補水就可以』 當時年少無知 以為有得救 最後發現所謂補水 係打激光 最終成塊面爛曬 由光滑皮膚變成全面痘痘🥲 再打電話去公司要求退款結果以我接受了不退款及以及未有係48小時內退款為由拒絕退款 大家買package要小心」 （相片由受訪者提供） 網友O：「次次做完都過敏，個sales 仲好意思sell我做laser」 網友P：「醫生建議胸部有囊腫就唔好推胸，可能會刺激到有反效果。個所謂”美容師” 通淋巴果陣話個醫生吹水，佢部機勁到可以抗癌。 “美容師”呀姨真係覺得自己既專業可以凌駕於專業醫生！講說話完全唔洗負責任」 網友Q：「打斑反黑」 網友R：「上次去打hifu，打到啲顴骨瘀咗，好痛🤕️」 返回目錄美容院黑店中伏經歷4：不合理價錢 醫美療程價錢有貴有平，有些美容院更會sell達7位數的療程，但質素和效果卻不理想，美容院黑店還會繼續hard sell，要求顧客加錢做其他療程服務。 中伏真實個案 網友S：「長期去一家美容，消費有六位數字了….後來有朋友進去那家美容院上班了，才發現他家用的東西都是很普通很普通的材料😵‍💫😵‍💫😵‍💫 網友T：「俾左萬幾，都好似冇乜用」 美容院黑店中伏經歷5：不良好體驗 用昂貴價錢購買美容服務當然會想得到最好的服務體驗，但有些美容院環境不好，也有些黑店美容師會因顧客不購買療程而逼客人留在房中，甚至用惡劣態度對待客人，浪費時間之餘感覺也不良好。 中伏真實個案 網友U：「俾人遺忘左喺房🙈」 網友V：「full完倒模mask, 成個鐘都冇人理, 攪到自己搣番啲面膜泥出嚟, 自己洗面, 正黑店.」 網友W：「叫我坐喺一間無窗無風密室度，然後講左我三小時，由幾萬，講到話當我學生優惠幾百我，我都唔俾錢；結果我3個鐘不同人講，之後我唔俾錢，佢哋就無理過我；我見狀，我起身走人，一直出門口無人理」 返回目錄消委會｜購買美容療程注意事項 購買前確定購買「需要」，避免作出草率或衝動的交易決定。 搜集服務資料，參考用家經驗及比較不同商店的價格。 衡量自己的負擔能力。 如對價格有疑問或認為價格有異於正常的水平，消費者應即向經營者查 詢。若仍有懷疑，便不宜購買。 簽署合約前，消費者應仔細閱讀合約內容。若不明白合約的條款，應向家 人／照顧者／導師尋求協助。 留意合約是否有「冷靜期」（需要時可行使這權利）。 購買後分期付款購買產品，須依時供款直至清付為止。 消費者發現所購買的產品和服務有問題可作出投訴： 消費者若遇到不公平的交易，例如貨不對辦、逾期收貨、對服務不滿等，經與店方交涉不果，便可考慮向消委會投訴。若部分投訴個案屬於其他政府部門或專業團體之處理範圍，可親自向有關部門投訴。 要保留有關收據、合約、各宣傳資料的正副本，作為支持投訴或未來行動之用。 消費者要如實陳述有關投訴，避免誇大或隱瞞相關事實。 香港美容院排名推薦名單 香港有不少美容院提供護膚美容療程，但要找到一家不會Hard Sell硬銷產品、非黑店的美容院可不容易！《U Beauty》編輯部精選推薦了Top 10不Hard Sell、單次收費、服務高質的美容院名單，其中排名包括大型、小型美容院，還附上皇牌療程價目表、預約方法以及編輯評價，想做Facial的你不妨參考！ko;nap 肌膚調理香港W酒店 bliss® 水療中心JC Beauty 單次收費美容中心Sisley美容專門店Sunrise Beauty想看其餘5間美容院及詳細推薦指數、評價，馬上看>>>10大美容院推薦名單｜不Hard Sell/單次收費Facial排名+價目表返回目錄來源：YouTube@TVB official、消委會、istock 同場加映：▶️立即下載U Lifestyle App： https://onelink.to/ulapp3 {{hket:ul-video id="9970"}}{{/hket:ul-video}}