5款眼影盤開箱試色!一盒有齊多色!櫻花粉色、實用大地色
5款眼影盤開箱試色!一盒有齊多色!櫻花粉色、實用大地色
Natalie Chu 發佈時間: 2019.05.09

眼影咁多色,真係會好容易又想買!個人又懶啦,唔想自己襯色,一定係要買呢啲,一盒有幾隻色,可以一盒攪掂唔使煩,yeah!呢幾盒都係我近排嘅新寵,日日都可以唔同顏色,日日都有繽紛嘅感覺。

RIMMEL Magnif’eyes Eyeshadow Palette 歐美開架眼影系列,真係超多色,顏色超靚。呢個008 ELECTRIC VIOLET EDITION,第一次用佢隻紫色果陣,完全係驚艷,靚到呢,另外彩綠真係好有party 妝感!有12色,多到用唔切咁多色XP

ETVOS 天然礦物化妝品,真係啱晒我嘅需要。研發嘅人本身都有暗瘡問題嘅困擾,用咗唔怕爆瘡放心用啦。舞動閃耀礦物眼影 MCL1 ,呢個粉色組合,真係好出色,好有日本妹嘅櫻花妝嘅感覺。春天必備。ESTÉE LAUDER 炫目粉鑽眼影,係上年粉紅絲帶活動果時出嘅,望上去好似好粉紅,但搽咗上眼,好有自然嘅閃爍效果。日妝好啱,返工化呢個色都唔會覺得誇。

Visee 霓幻8色眼彩盤,係台灣屈人寺買,買夠錢加小小錢換。好似係限量版,抵到呀!haha 呢個係002 色,因為粉紅色果個眼影而買嘅。本身都有用開Visee 眼影,一向都好出色!

Shiseido Makeup無重色感彩妝系列!Essentialist Eye Palette 一盒有有4種顏色,Hanatsubaki Street Nightlife 06 晚妝非常適合,顏色最深嘅可以營造貓眼效果。

ESTÉE LAUDER 炫目粉鑽眼影,係上年粉紅絲帶活動果時出嘅,望上去好似好粉紅,但搽咗上眼,好有自然嘅閃爍效果。日妝好啱,返工化呢個色都唔會覺得誇。

【編按:文章題目經編輯修改,原題為「一盒攪掂!多色眼影試色」】

睇盡最新美妝時尚情報及女生話題!
關於 Natalie Chu 彩妝 | 護膚 Blog:  Natalie Chu 的 U Blog 網誌
對扮靚好有興趣,有考ITEC又唔做美容師,有學化妝又唔做化妝師!希望興趣可以發展成為事業,鍾意旅行、護膚、化妝,分享生活。
誠徵專欄作者 如希望成為U Beauty專欄作者,請將個人照片30-50字簡介,連同個人博客/社交平台連結電郵至 column@ulifestyle.com.hk,我們將與您聯絡。

品牌名稱點樣讀?
U Beauty
《品牌小字典》
教您讀,無難度! 立即用