油眼眼妝好物推介!Dolly Wink防暈染眼線筆/眼線液試用報告
油眼眼妝好物推介!Dolly Wink防暈染眼線筆/眼線液試用報告
久美小姐MsJovi 發佈時間: 2019.04.24

對於一向「油眼」嘅我來說,喺夏天用完唔化嘅眼線產品,實在非常重要,完全可以避開熊貓眼問題!有留意開日本藥妝嘅人,一定有聽過或者見過Dolly Wink吧,由日本時尚教主益若翼設計,各款眼部化妝產品,例如眼線筆、假睫毛同睫毛膏都備受追捧。

KOJI Dolly Wink推出全新眼線產品:升級版 – 極致深濃眼線組合,色澤更深、濃同持久,絕對值得囤貨!

Dolly Wink Gel Eyeliner Melty Black煙燻黑眼線筆 HK$85

Dolly Wink Gel Eyeliner Melty Brown煙燻棕眼線筆 HK$85

Dolly Wink Super Black Liquid Eyeliner極致濃黑眼線液 HK$89

Dolly Wink Super Black Liquid Eyeliner極致濃黑眼線液 HK$89

*價格只供參考

全日防暈染配方,可長時間對抗水、汗同眼淚,而且搓揉後亦唔容易脫色。

眼線筆1.5mm超細凝膠筆芯,圓滑順暢,能填補眼線同睫毛間的空隙。另外配方當中添加咗修護眼周肌膚成分,例如:角鯊烷、澳洲堅果種子油、荷荷巴種子油同黃春菊花萃取物等。

而為達到長效持久嘅防水功效,筆芯利用密封設計,所以轉出後嘅眼線筆芯唔可以扭回, 所以記得唔好扭太多出嚟,小心整斷同時保持眼線筆濕潤度。

眼線液極纖幼0.1mm筆尖,毛質細軟且出墨流暢,輕易勾勒出細緻俐落眼線,另一配方中蘊含透明質酸,有效呵護眼周肌膚。

先講講眼線筆,無論黑定棕色都好,只需要輕輕一畫就極易上色,畫起嚟柔軟順滑,濕潤度好不錯。不過眼線筆對於油眼女生來說,夏天時使用數小時後,會有少少甩色問題,但勝在用後好自然,如果油眼女生使用,建議眼肚位置上定少少碎粉減低脫妝問題。

眼線液個人認為屬於必囤眼妝好物!!毛質細軟,而且出墨流暢,好輕易就能勾畫出細緻俐落眼線。

就算我將手背經水大力沖洗下,都唔會有甩色問題,防水度相當不錯,有效對抗汗水、眼淚,我諗如果船P時用KOJI Dolly Wink化眼妝都唔會有問題。

 

 

講起棕色眼線液同眼線筆,個人自費買咗好多支試用,但係效果都好一般,一係唔上色好水,一係好易脫色,有啲仲會好易化開,化完個妝返工,返到公司就化開晒。

 

 

 

但係我係呢個夏天試用咗KOJI Dolly Wink極致濃棕眼線液有成十幾次,真心覺得好好用,防油效果絕極,順滑唔脫妝,而且好上色,色澤好深厚,有自然放大雙眼效果!

 

 

個人覺得棕色眼線令人睇落更加友善柔和,所以呢排嘅妝容都用多咗棕色,就算唔笑都睇落更和善~

 

夏天唔想化咁濃妝,但又想對眼大啲?咁就要選擇長效防汗、防淚、防水配方眼妝產品,全日keep住迷人眼神啦。

 

【編按:文章題目經編輯修改,原題為「必囤!koji-dolly-wink升級眼線產品」】

睇盡最新美妝時尚情報及女生話題!
關於 久美小姐MsJovi 彩妝 | 護膚 Blog:  久美小姐MsJovi 的 U Blog 網誌
Blogger、日本麗乾花導師、小小OL 小個子卻擁有大無畏精神。我不完美,可是我愛自己,懂得欣賞自己的好,感欣所擁有的一切
誠徵專欄作者 如希望成為U Beauty專欄作者,請將個人照片30-50字簡介,連同個人博客/社交平台連結電郵至 column@ulifestyle.com.hk,我們將與您聯絡。

集結熱門女生主題
U Beauty
《女生扮靚懶人包》
貼心資訊 All in One! 立即用