正在閱讀
只Follow「水水」一人!網民發現《愛.回家》曹總IG  熱心留言鼓勵!

只Follow「水水」一人!網民發現《愛.回家》曹總IG 熱心留言鼓勵!

發佈時間: 2018.07.10

TVB處境劇《愛.回家之開心速遞》,曹總憑著操一口半鹹淡廣東話,身為集團主席,仍然親民、有義氣等個性,得到不少觀眾的喜愛!

近期播出「水的K戀」一集,講述曹總追求阿水(呂慧儀飾)失敗,在Instagram上寫出失戀心聲:「#心碎了 #愛過也痛過 #要作一個艱難的決定」。

劇外網民竟然發現曹總IG!疑似是劇組/本人開設的帳號,發現專一的曹總,只有Follow一個人,那就是「水水」了。情深款款的曹總,可惜和阿水有緣無份了...

今集講到曹總決定鼓起勇氣,重新追求阿水。咁啱曹總英文名叫Kenneth,中晒占卜師對阿水所講的「今年出現、示過愛、拒絕過、K字」四點,疑似她不能錯過的「真命天子」!阿水見到曹總又送花、落電視廣告表白,真心追求自己。而家人和同事又鼓勵「去馬」……她抗拒態度漸漸軟化,嘗試接受曹總。

可惜,最後還是無法接受曹總的外表。當曹總想錫過嚟時,她一時衝動,不小心一拳打傷了曹總的鼻子。曹總倒地傷心地問她:「點解喺咁浪漫嘅情況,會引起你暴力一面?大家都係畀啲時間冷靜一下。」仲喊晒咁離開:「點解會咁樣啊?」

曹總的IG短短幾日,已有2千多人追蹤,網民們除咗大讚「好連戲」、「估唔到真係喺ig post咗出嚟」、「笑死,真係有!」之外,仲非常熱心,留言鼓勵曹總,為他加油!

曹總隔日再出post,寫道:「鼻子再痛都會康復,那麼心呢?#不會放棄 #開心速遞 #不是,是傷心速遞」

 

網友見到,就親切問候:「你個鼻整返好未呀?」見到大家咁支持自己,曹總都有親自回應「謝謝你的鼓勵,就像陰天的一道陽光...」希望曹總可以從情傷中,早日康復。

 

來源:IG@kenneth_cao, IG@konniecrab, myTV SUPER截圖

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠

更多女生話題