各位「MIRO」們請注意！U Lifestyle App 《社群》最近增設「鏡粉交流區」主題專區。除咗有「鏡仔日常」，仲有12位成員嘅個人專區，方便您集中獲取各種最新活動、應援資訊～您仲可以同其他鏡粉交流心得，分享幫自己「本命偶像」影嘅靚相。>>>立即進入《社群》專區<<<MIRROR >>瀏覽「鏡粉日常」主題頁面<<姜濤早前姜濤遠赴美國工作，有傳是次美國之行係為咗拍攝電影《我的天堂城市》(My Heavenly City)！雖然上述嘅電影保密功夫做到足，但努力工作嘅姜濤最近亦有另一部電影要上映喇！由毛舜筠、姜濤、柳應廷 (Jer) 領銜主演嘅《阿媽有咗第二個》即將於8月11日隆重上映，「姜糖」們記得要入場支持「方晴」！最近仲有姜濤特別版雪糕月餅，「姜糖」們點可以錯過！ >>瀏覽「姜濤」主題頁面<<盧瀚霆 (Anson Lo)今個7月嘅「教主誕」，唔知各位「神徒」過得盡唔盡興呢？上月佢同 Jer (柳應廷) 主演嘅電視劇《百萬同居計劃》終於完成拍攝，同月推出咗第九首個人單曲《King Kong》，獲得不俗的音源成績。Anson Lo 其後更會連同欣宜於9月6日舉行《903拉闊音樂會 神の拉闊 鄭欣宜 x 盧瀚霆》，今年「教主」Anson Lo 可謂超級努力工作，作為「神徒」當然都要落力支持！ >>瀏覽「盧瀚霆」主題頁面<<呂爵安 (Edan)Edan 有份擔任主演嘅史上首部暑期賀歲片《闔家辣》故事歡樂又感人，在港上映短短4天，票房已衝破1100萬，Edan 自然又充滿喜感嘅表現更為電影帶來一大驚喜！除此之外，ViuTV 原創劇《I SWIM》亦熱播中，Edan飾演嘅啟賢C班泳隊隊長榮仔超級熱血！陪住「爵屎」們度過一個愉快又充實嘅夏天～ >>瀏覽「呂爵安」主題頁面<<陳卓賢 (Ian)Ian除咗拍攝劇集《季前賽》外，今年更先後推出《留一天給你喘息》、《Got U》及《Distance》三首歌曲。新歌《Distance》講述人與人之間的距離，最後因害怕受傷害而學會沉默、收起情感去保護自己嘅故事。Ian 喺新歌更擔任作曲、填詞、監製及演唱，一人四職，向全能唱作人方位進發，一眾「hellosss」應該非常滿足！ >>瀏覽「陳卓賢」主題頁面<<江熚生 (Anson Kong /AK)講起「老闆」AK，就不得不提佢首新歌《信之卷》！AK 特意邀請香港本地動漫師製作動畫感 MV，仲將自己化身為動漫熱血男主角，實現自己嘅童年夢想！講起動畫，AK 亦為《ONE PIECE》劇場版電影《ONE PIECE FILM RED》進行粵語版配音，電影將於 8月25日喺香港上映，各位「生粉」準備好入戲院聽動畫迷「老闆」嘅自肥配音未？ >>瀏覽「江熚生」主題頁面<<柳應廷 (Jer)繼《離別的規矩》後，Jer (柳應廷) 最近推出第二部曲《自毁的程序》，用充滿穿透力嘅聲音敘述無奈痛心嘅故事、帶歌迷遊走現實與虛幻之間，歌曲更被譽為係「十級心痛之作」！Jer 更透露第三段副歌藏有第三部曲嘅細節，唔知各位「柳柳粉」又有冇咩發現呢？嚟緊 8月11日，Jer 首部主演嘅電影《阿媽有咗第二個》即將上映，期待電影裡「盧子軒」嘅表現！ >>瀏覽「柳應廷」主題頁面<<楊樂文 (Lokman)隊長 Lokman 除咗跳舞叻，演戲都同樣出色！繼年初《IT狗》入面嘅「星之子 Tony」，Lokman今年首度參與「杜Sir」杜琪峯監製嘅電影《命案》，破格飾演變態殺人外賣仔，表現更獲導演鄭保瑞力讚！《命案》即將上映，電影預告亦已經上線，「頭巾兵團」們記得密切留意電影消息喇！ >>瀏覽「楊樂文」主題頁面<<邱士縉 (Stanley)「大表哥」Stanley喺戲劇上一直有亮眼表現，係組合裡面嘅演技擔當。佢喺最近熱播嘅劇集《I SWIM》裡面飾演「黃亞樂」一角，其努力剖析角色心理嘅細膩演技獲得網民讚賞，搶鏡程度不輸主角。而呢份努力亦終於換來成果，Stanley 喺新劇《野人老師》首次擔正做男一，飾演人稱補習天皇嘅「李白」，「TeamStanley」們一定好開心！ >>瀏覽「邱士縉」主題頁面<<陳瑞輝 (Frankie)Frankie喺年初播出嘅劇集《IT狗》飾演性格悲觀但又可愛嘅「Never」，更因成功演繹「Never」嘅反差萌而成功彈出。其後 Frankie 亦繼續集中劇集拍攝，於電視劇《野人老師》飾演「顏家棟」一角，直至近月才殺青，皮皮辛苦曬！ >>瀏覽「陳瑞輝」主題頁面<<李駿傑 (Jeremy)繼「隊長aka首席執事」Jeremy 主持嘅執屋真人騷《GO！執！事務所》播畢之後，Jeremy 再次投入樂壇新人身份，推出第二首個人單曲《九》！新歌延續上一首《半》嘅概念，透過歌曲帶出善與惡嘅人生道理。除咗為歌曲錄音三次之外，Jeremy更跳出乖乖仔框架，演繹不一樣嘅妖艷邪氣風格，展現咗可以駕馭各種曲風嘅可能性，懾人魅力迷死一班 「Unicorns」！ >>瀏覽「李駿傑」主題頁面<<王智德 (Alton)Alton喺2022 上半年主持真人騷節目《勁騎26》，仲同隊友AK合唱單曲《REBOUND》～除此之外，Alton 喺演戲方面都超級活躍！佢唔單止喺 ViuTV 熱播劇《I SWIM》中飾演「A班羅力森」一角，而且仲有《死角》及《大誠實家》兩套劇待播放，睇嚟下半年「蛋白粉」們可以大飽眼福！ >>瀏覽「王智德」主題頁面<<邱傲然 (Tiger)Tiger拍劇綜藝兩兼顧，上半年除咗有才藝真人騷節目《1 Take過》出街之外，佢亦忙於拍攝改編自同名漫畫嘅電視劇《死角》，並飾演一名拳擊手。本月初 7月3日係 Tiger 嘅生日「老虎誕」，一眾粉絲「小虎隊」為佢籌辦咗各種生日應援，其中 Tiger 更親身出席位於中環嘅相片展覽，超級寵粉認證！ >>瀏覽「邱傲然」主題頁面<<一個人要時刻密切留意所有成員嘅動向確實有難度，但如果大家喺《社群》MIRROR 主題專區裡面互相update就容易得多，upload埋12子靚相，一齊分享交流亦會比單機追星更有氣氛！入專區分享成員嘅歌曲、美談、應援活動詳情等，亦係吸引更多人「入坑」認識 MIRROR 嘅好機會！ 發表帖文攻略：第一步：選擇主題 －「鏡粉日常」或MIRROR成員第二步：上載自家拍攝MIRROR相片及心情分享（建議先將想Upload的相片星選，方便上載）第三步：簡單介紹您分享相片（不少於20字）第四步：按發佈就完成啦！ 圖片來源：IG@MIRROR、姜濤、盧瀚霆、呂爵安、陳卓賢、江熚生、柳應廷、楊樂文、邱士縉、陳瑞輝、李駿傑、王智德、邱傲然