正在閱讀
 絕對有共鳴!最初學畫眼線時的黑歷史

絕對有共鳴!最初學畫眼線時的黑歷史

發佈時間: 2015.09.16

女生們絕對深明眼線的重要性,畫得一條好眼線可以令你精神百倍。畫咗咁多年,而家畫眼線當然易過食生菜,但你仲記唔記得初初學識畫眼線啲瘀嘢?想扮唔記得唔緊要,等小編話番比你知,大家一齊笑吓都好!

無畫眼線果日大概係咁嘅樣....

圖:tumblr

1. 眼皮勁震


圖:
giphy.com

同初次戴con一樣,太緊張的關係,第一次畫眼線時眼皮一定不由自主係咁震,想停低落筆絕對有難道。勉強落到筆又怕枝筆插入眼,所以話,新手要完成一條完美眼線真係唔係咁易。

2. 畫成鋸齒狀

小編敢肯定,就算你係大畫家,你畫的第一條眼線都唔會公整完美。點解?因為眼皮會震,加上你又手震,條眼線自然畫到變鋸齒,一啲都唔靚。點解決?用棉花棒沾少少卸妝水抹番靚佢!

3. 左右眼不對稱


圖:
weknowmemes

今時今日呢個情況依然時有發生。畫右眼眼線時非常順手,輪到左眼時左右手打哂交,結果改完又畫,畫極一邊都唔對稱,以為畫完一睇,咦!左邊條眼尾又向上飛喇!點解決?又係用棉花棒囉!
>> 延伸閱讀:【棉花棒與5種不同物品搭配 即可變身化妝、修理、清潔工具 】

4. 用量過多


圖:buzzfeed

新手最初使用眼線產品時未學懂拿捏用量,一不小心可能用多,畫到對眼一大撻黑色。無論是用於筆尾扭出墨的眼線液,還是好易痴埋一舊的眼線膠都會出現同樣問題。下次記得畫上眼前於手背或紙巾輕輕畫走多餘墨水喇!

5. 單眼皮之苦:畫咗等如無畫

單眼皮的新手必有此苦惱,千辛萬苦畫完條眼線,一張開眼,單眼皮將成條眼線食哂!所以畫單眼皮女生畫眼線要畫粗一點,建議於眼珠上下加粗,增加眼睛上下幅度,令眼型看起來較圓。


6. 手背一條條試筆痕
因為要試眼線筆,最方便一定係畫手筆。試幾次畫多幾筆,成個手背都係一條條眼線,有時大頭蝦唔記得卸番先出街,比人睇到真係尷尬爆!

仲有無其他瘀嘢?記得話番比小編知呀


延伸閱讀:
>>
4招善用IKEA 平價小衣架 為你造出簡約安樂窩
>> 睫毛膏得3個月命?化妝品的保存期你要知!
>> 唔洗梳子會惹黴菌?教你一招清走梳上難搞頭髮

 

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠

更多女生話題