同場加映 ｜ 想知點遮千年黑眼圈？只需要1件法寶！即睇眼底化妝技巧 {{hket:ul-video id="7059"}}{{/hket:ul-video}}一名網友於「香港討論區」以「家姐男朋友成日上嚟黐飲黐食」為題，發文分享家姐男友經常到家中食飯，令事主極其討厭，但又不懂如何開口表示不滿。事主表示：「自從家姐帶左佢男朋友返屋企食飯之後，佢男朋友就成日上嚟屋企黐飲黐食。可能因為第一次食飯果陣，阿媽講左句叫佢得閒咪上黎食飯，多個人多雙筷姐。都係禮貌上講下，但點知就係呢一句出事啦，佢真係一啲都唔客氣。」事主直言：「最近基本餐餐食飯都見到家姐男朋友一齊食。話就話多個人多雙筷，但佢又食勁多野，飯又添幾碗，佢冇畀過一蚊畀我地，當然都唔係話要收錢，但起碼都幫下手好呀，好似我地屋企服侍佢咁，次次淨係個人上黎，食完走，又唔會幫下手開飯，又或者洗碗。」連大時大節、家人生日亦會見到家姐男友兩手空空到場：「有陣時啲大日子，可能係邊個生日，我地都會出街食飯慶祝，佢都會照嚟，又唔畀錢，禮物又冇。」此等事件都令事主十分苦惱，向網友求救「有咩辦法可以令佢唔好再成日上嚟食飯」。此貼文一出引來網民熱烈教事主爆笑奇招「趕走軟飯男大法」：「如果你係女就喺屋企著性感啲，家姐就唔會帶佢上屋企」、「落瀉弱落佢碗湯」、「每次佢上來前短訊佢買半邊燒鵝，日本蜜瓜，等等次次不同要求。冇買到就問姐夫呀，阿爸阿媽想食點解冇買嘅。要佢冇癮，食餐飯刀背脊骨落。」、「下次食飯問下佢：你咁慳，儲錢結婚定買樓呀？」、「每次佢上嚟時笑住口大大聲講：未來姐夫又上嚟痴餐呀」也有網民認真給予意見「有甘既男朋友，你家姐將來都吾會幸福！」、「家姐係唔係應該畀多啲家用」、「叫你媽停煮飯幾日，睇吓咩環景」、「「下次叫家姐男友夾錢買餸先好上嚟，話屋企唔係做善堂冇免費餐食！」來源：香港討論區