港男買樓叫未婚妻齊供款!未婚妻要求加名男方以14字拒絕!網民:完全係搵笨!
陳思儀
文: 陳思儀
發佈時間: 2023.03.27

▶️入APP睇最新美容時尚資訊:https://onelink.to/ulapp3

花花打卡5大招+呃like「眼神Tips」!利用角度營造花海效果/片尾附公園地點

{{hket:ul-video id="7885"}}{{/hket:ul-video}}

日前,有女網民以「男朋友婚前想買樓但唔肯寫我個名」為題在討論區上發文,抱怨男友買樓不肯加名的經歷。女事主表示,男友近日打算買樓,並且會自行支付一半首期,剩下的首期會由男方父母支付。男友表明自己有結婚的打算,並明言希望女方婚後能一起供樓。當時,女事主認爲合理,便一口答應了男友的要求,認為兩夫婦一起供款買樓沒有問題。

韓劇《Happiness》劇照,非當事人

怎料,當女事主詢問男友「層樓寫邊個名」時,男友表明只會寫他自己的名字,更直言:「你(女方)都冇份畀首期,點解要寫你個名」。對此,女事主感到震驚,認為婚後二人會一起供樓,所以一直認爲要求物業加上自己的名字合情合理。女事主亦補充,自己無意與男友分開,一直有結婚共識,所以應該不會有物業糾紛的問題,最後心淡表示:「如果層樓冇我名,我以後點解仲要咁辛苦同佢一齊做樓奴」。

韓劇《Happiness》劇照,非當事人

帖文一出隨即引起熱議,網民意見兩極,有網民支持樓主,認為女方如果有份供樓卻不能在層樓加上名字是相當理虧:「叫你幫手供但唔寫你個名, 根本就搵你笨」、「冇你名係唔應該供的」、「如果你唔洗幫手供冇你名就合理,你有份供到時佢飛咗你就乜都冇」、「未結婚點解要幫手供?」、「冇名當然唔供,婚前物業離婚後冇得分一半」。

↓↓點擊查看留言↓↓

 

不過,亦有不少網民認為樓主和男友都得一想二,更指兩人實際上都想從對方身上「攞著數」:「層樓要寫埋你名,供就唔好預你,呢兩樣條件都唔應承就唔好嫁比佢」、「樓主好虛偽,既然唔打算分開,咁層樓寫邊個名都一樣啫」、「你0首期,如果結唔成婚又寫左你名,分到半層樓咁咪筍過signal Wong?」、「大家都在算計中,互不信任,沒有好結果的」、「四個字,貪得無厭」。

↓↓點擊查看留言↓↓

 

來源:香港討論區,韓劇《Happiness》劇照

Chloe
Chloe
普拉提新手,獨處更加舒心的韓劇中毒者&書迷!不惜花大錢鑽研低敏高效的護膚品,貪靚卻有著「極難搞」肌膚。

最高瀏覽