【寵物好去處2022】精選10大毛孩打卡放電好去處 影靚相冇難度!
發佈時間: 2022.09.08

作為奴才,最希望當然係幫毛孩影多啲可愛靚相,留低美好回憶~香港嘅寵物好去處遍佈港九新界,唔單止打卡able,仲可以同毛孩們放電,一舉兩得!以下為大家精選10大寵物友善商場、公園、酒店 Staycation,唔好猶疑,今個週末即刻同主子們扮靚靚出發啦!最近 U Lifestyle App《社群》專區「貓」「狗」主題全新登場,裡面有唔少可愛萌寵相,喜歡寵物嘅您絕對唔可以錯過~即刻加入《社群》專區同奴才們互相交流寵物心得啦!依家《社群》舉辦緊送禮活動,只要上載自家拍攝嘅貓狗趣怪照片,即有機會贏得豐富禮品,奴才們快啲同大家分享毛孩嘅搞鬼moment啦!

寵物友善商場

港島區 - 北角匯

作為寵物友善商場,北角匯不時都會舉辦同寵物有關嘅活動,上年北角匯推出咗狗狗現代藝術館《愛犬.美術館》,而今年則舉辦緊全港首個喵咪主題《Cat.Art.Metaverse》NFT藝術館,裡面有貓爬架同大量喵喵打卡位,貓奴們切勿錯過!

地址:香港北角北角邨里1號

 

九龍區 - D2 Place

位於荔枝角嘅文青熱點 D2 Place 同樣都係歡迎寵物內進嘅商場~D2 Place 特意將商場一期嘅天台花園改為「寵物共享」休憩空間,人工草地上有唔少寵物遊樂設施,等狗狗們可以盡情放電~商場內仲有一間佔地 5000呎嘅日式寵物超市,喺草地放電後,主人們可以帶埋毛孩們購置零食同用品,行程超充實!

地址:長沙灣長義街9號

 

新界區 - 沙田新城市廣場

沙田新城市廣場嘅「Pets Park寵物同樂園」自2020年推出以來一直人氣高企,今年6月寵物同樂園更帶住3米高巨型柴柴地標及 10 大升級寵物專屬玩樂設施回歸!寵物設施包括跳圈四連環、高低平衡木、寵物樓梯同波波池等,集打卡、訓練同玩樂於一身,係絕對唔可以錯過嘅寵物好去處!

地址:沙田沙田正街18-19號

 

寵物友善公園

港島區 - 炮台山東岸公園

位於炮台山海濱嘅東岸公園面積約 9,800 平方米,當中嘅主題區色彩燦爛、更係寵物友善場地,啱晒同狗狗打卡影靚相!而且炮台山東岸公園位置可多角度欣賞維多利亞港嘅靚海景,配合徐徐吹來嘅海風,散步時放鬆愜意,主人同狗狗都唔會太熱~黃昏時分去的話,仲有機會見到大大嘅鹹蛋黃!

地址:炮台山屈臣道

 

九龍區 - 西九文化區

西九文化區係馳名嘅「狗狗海濱天堂」,每逢週末假日都有唔少毛孩,十分適合帶狗狗們去認識狗朋友,一齊放電!寵物除咗可以進入區內嘅藝術公園及海濱長廊外,文化區亦設有「寵物區」草地畀寵物自由走動,係狗狗至愛!黃昏時分更可以同主子一齊睇日落,chill級浪漫~

地址:尖沙咀西九龍文化區

 

新界區 - 彭福公園

作為「奴才」應該都會聽過彭福公園~彭福公園係香港著名嘅寵物樂園,更有唔少人稱佢為「狗狗界迪士尼」!雖然彭福公園並唔係寵物專屬,亦沒有寵物專用設施,但公園佔地 9 萬平方米,仲有大大片草坪,啱曬狗狗盡情放電,係唔少主人一再Encore嘅寵物好去處!主人們可以坐低野餐,毛孩們則可以自由奔放咁周圍跑,實玩到唔捨得返屋企!

地址:沙田馬場中央

 

寵物 Staycation

北角 - 香港維港凱悅尚萃酒店

香港維港凱悅尚萃酒店設有「毛孩友善樓層標準客房」及「寵物專屬電梯」,設想周到。房間內有無敵大海景之餘,酒店更將毛孩樓層房間內嘅地毯換成地板,令主人們更加安心~主人們唔單止可以帶毛孩去酒店3樓嘅草地平台放電,北角附近仲有寵物公園及寵物友善商場,十分方便!

地址:北角北角邨里1號

 

中環 - 香港美利酒店

香港美利酒店特意為客人準備各項寵物友善設施,等主人們可以同愛寵有一個難忘嘅Staycation回憶。除咗酒店 UUG樓層設有寵物遊樂園及寵物廁所外,客房內亦備有狗狗報紙、餐碗、廁盆及睡窩,非常細心。酒店更準備咗一系列滋味可口的狗狗點心,貼心照顧狗狗的膳食。

地址:中環紅棉路22號

 

尖沙咀 - 香港瑰麗酒店

香港瑰麗酒店坐擁維多利亞港景色,更提供多種寵物禮遇,包括客房寵物設施、寵物迎賓禮物及寵物餐點等。香港瑰麗酒店同時亦有貓砂、貓糧、貓窩等提供,係少數容許貓貓入住嘅酒店,親切程度滿分。主人們仲可以為毛孩加購寵物美容、犬隻瑜珈及寵物攝影等服務,同主子們真正享受一個美好假期。

地址:香港九龍尖沙咀梳士巴利道 18 號

 

沙田 - 香港帝逸酒店

香港帝逸酒店嘅寵物Staycation價格親民,不需1000蚊就可以同毛孩入住~除咗有毛孩迎賓禮物之餘,客房內亦有提供狗狗必需品。住宿期間,寵物仲可以進入酒店內3樓嘅The Terrace露天花園,咁奴才們就可以帶狗狗跑草地,畀狗狗盡情享樂放電~

地址:沙田源康街1號

 

除咗以上嘅地方外,其實香港仲有好多唔同嘅寵物好去處等大家發掘同打卡!U Lifestyle App《社群》專區最近新設「貓」「狗」主題,等奴才們可以集中記錄愛寵日常,仲可以同其他主人交流認識、獲得最新嘅寵物快訊!即下載U Lifestyle App,進入《社群》寵物專區,分享毛孩們嘅靚相、寵物好去處及飼養貼士啦!

《社群》的貓奴狗奴視角~

 

立即進入《社群》「貓」主題

立即進入《社群》「狗」主題

 

各位奴才請注意~即日起至10月7日,於《社群》上載自家拍攝嘅貓狗趣怪照片,即有機會贏得Samsung 5G智能電話或寵物用品連鎖店現金券!參加次數不限,上載帖文越多,得獎機會就會愈大!快啲入嚟分享毛孩們嘅獵奇表情、搞笑謎之行為啦!

即睇是次活動玩法

立即去《社群》分享

 

圖片來源:《社群》用戶@ IreneusofunnyJosephine LaifionneChris Wong食得是Food;沙田新城市廣場、西九文化區、香港帝逸酒店、香港維港凱悅尚萃酒店、香港美利酒店、香港瑰麗酒店、D2 Place

授權轉載:IG@bichon_tofu_boy、@siuyuenchi.1030、@jaijaiispoodle

睇盡最新美妝時尚情報及女生話題!
U Jetso

最高瀏覽

U Jetso