女友驚打8號叫男友接收工!港男11字拒絕自殺式回應!網民爆笑:1秒激嬲女友!
陳思儀
文: 陳思儀
發佈時間: 2022.11.02

「為了另一半可以去到幾盡?」,尼格正靠近本港,天文台已發出八號烈風信號。上班到中途的打工仔提早下班,受到惡劣天氣影響而變得危險。早前,就有女生就在網上發文,因擔憂天氣惡劣,所以打算叫在附近上班的男友接收工,但卻被男友用一句說話無情拒絕。男友甚至最後還多加一句「補刀」直言女友「太港女」,帖文隨即掀起網民熱議,到底誰對誰錯?

同場加映:【美編日誌】香港特色水泥禮物DIY!送給即將移民的他/她!

{{hket:ul-video id="6892"}}{{/hket:ul-video}}

女網友以「叫男朋友嚟接埋我收工真係好港女咩?」為題在網上討論區發文,表示自己與男朋友的公司只相隔一條街的距離,男朋友放工的時候也會經過她的公司。女網友表示自己在上班時正在懸掛3號風球,擔心在下班時會改掛8號風球,於是便叫男朋友到公司接她。怎料卻被男朋友拒絕,更反問女網友「有手有腳做咩要接你收工?」。

韓劇《愛的迫降》劇照,非當事人

女網友嘗試以「擔心會下大雨」為由再次請男朋友接她收工,但男朋友卻不為所動,直言「唔通我接你收工就唔會落大雨?」,隨後更直斥女網友「港女」,指兩人用一把傘擋雨都會變成落湯雞,各自回家為上策,又指打風下雨不單止女方危險,自己也很危險。

男朋友最後更開玩笑說「放心啦,冇咁易吹得走你㗎喎!就算吹走你我都驚你整親其他人」,補上最後一刀。女網友補充以前男朋友寧願走路也要多見一會,現在卻連接放工這些小事也諸多藉口推搪,認為男朋友「真係變咗」。

韓劇《二十五,二十一》劇照,非當事人

帖文一出引起網民熱議,不少網民都勸女網友快點分手,認為男朋友打風接女朋友收工是平常不過的事,直斥樓主男朋友的行為要不得:「如果我係佢男朋友,我今日會去接女朋友」,「叫到都唔肯接,唔駛諗啦,快快分手」、「所以說分手總要在兩天」、「呢啲男人算吧」、「分手吧啦」。

一眾網民更化身心理學家,積極為樓主解讀男朋友的行為,不過,當中不乏開樓主玩笑的網民:「過咗蜜月期」、「老交情係咁㗎喇,打風都吹唔甩」、「因為你哋嘅愛已經昇華到另一個境界」、「男友似約左第2個」、「應該係接第二條女收工,所以唔接你」。

↓ ↓ 點圖查看更多網民留言 ↓ ↓

 

來源:香港討論區、韓劇《愛的迫降》、《二十五,二十一》劇照

睇盡最新美妝時尚情報及女生話題!
Chloe
Chloe 膚質:混合偏乾型敏感肌
普拉提新手,獨處更加舒心的韓劇中毒者&書迷!不惜花大錢鑽研低敏高效的護膚品,貪靚卻有著「極難搞」肌膚。

最高瀏覽