{{hket:ul-video id="9158"}}{{/hket:ul-video}}▶️立即下載U Lifestyle App：https://onelink.to/ulapp3一位香港男網民以「幫女朋友消毒包包，結果俾佢罰去訓廳」為題分享與女朋友發生的小插曲，他指自己比較著重清潔，自從疫情後習慣消毒隨身物品。特別該男網民分享自己習慣回家後會清潔手機、銀包、背包，有天他如常回家後消毒隨身物品，順道清潔女朋友的CHANEL手袋，希望表現出「暖男形象」，誰知女朋友反而十分生氣，更加罰事主瞓廳！該男網民寫道：「話說我個人潔癖比較嚴重，特別自從疫情之後，基本上去到邊消毒到邊，例如出街食飯會清潔餐具，禁完lift會噴下對手，返到屋企都習慣將隨身物品，手機、銀包、背包抹一抹」然後補充：「咁尋日同女朋友行完街番到屋企，佢去左沖涼，咁我咪順便幫佢清潔下D野，抹下手機，消毒包包咁囉，佢沖完涼出黎我仲同佢講，諗住表現我好好暖男既形象」然後，誰料結局反轉，女朋友的反應與預期完全不同：「點知佢無啦啦大叫一聲，跟住衝過去拎起佢個CHANEL袋，問我有無掂過，我咪如實答佢噴完消毒囉。跟住佢就好大反應同我講，個包包系佢儲左好耐錢先買到，咁樣噴法會好傷皮革……大佬，我點知啫，諗住好心消一消毒，都系抹幾下又吾會有咩問題，而家佢嬲到直頭罰我訓廳，D女人真系誇張到」引來網民反應兩極，部份意見指該女朋友的反應過份誇張，亦有部份網民直指樓主不應該消毒名牌手袋，留言：「絕對唔可以揮發性液體清洗」、「皮革唔可以用酒精抹」、「大拿拿十幾萬chanel袋比你用酒精抹，比著我都發脾氣啦」、「似乎你真係無咩常識」、「真皮係唔可以亂抹，要跟從Chanel 的指引，如果唔係後果自負」、「用酒精抹會甩色，淨係罰你訓廳一晚都益你」清潔皮革手袋時要避免使用酒精、油性清潔劑或者含有氯化物的清潔劑，這些會對皮革造成損害。同時也要避免將皮革手袋浸泡在水中，以免影響皮革質地。可以用布沾取少量清水，輕輕擦拭皮革表面，去除灰塵和污垢。如果皮革手袋上有頑固的污漬，可以將少量中性肥皂溶於清水中，再用布沾取肥皂水，輕輕擦拭污漬，然後用清水擦拭乾淨。再用乾淨的毛巾輕輕擦乾皮革手袋表面，然後讓其自然風乾，不要暴曬或使用吹風機。來源：香港討論區