港女分手3個月後被要求還戒指錢!前男友用$2000消費券付款!網民爆笑留言:「想套現?」
陳思儀
文: 陳思儀
發佈時間: 2022.08.28

男女關係錯綜複雜,雙方一旦分手不時提及要求「掟煲費」。最近,有位女網民在IG的情侶心事平台分享感情趣聞,表示與男友分手三個月,突然收到對方短訊要求償還拍拖時買戒指的費用,而當時男方使用$2000消費券付了一半的戒指錢,現在卻要求她現金過賬給他。帖文引起熱烈討論,網民搞笑留言提議:「覆佢消費券套現係犯法」。


有女網民在IG專頁「lovers_channel_」以「叫我比番買戒指嘅錢佢」為題匿名發文,表示與前度拍拖接近一年,由於對方每個月發脾氣以及冷戰,聲稱前男友因英文差與自己難以溝通,最後以「冇話題、出街又唔plan行程、又唔做research睇下食邊間餐廳、我中文又差,成日我講野佢都唔明」爲理由提出分手。

韓劇《社内相親》劇照,非當事人

分手3個月後,一日樓主突然收到前男友短訊,她形容「佢有日冇啦啦用chinglish text我,叫我比番買戒指嘅錢佢」。樓主解釋,當初收到消費券打算自己買下心儀已久的碎石戒指,男方主動表示「好想幫我比一半」。於是,前男友最終用消費券付了$2000,尾數就由樓主自己補齊。

韓劇《社内相親》劇照

樓主續指,前男友在短訊中表示,當初買戒指是爲了見證二人一起的承諾,現在二人分手,所以要求樓主還錢,還附上自己的銀行賬戶。樓主無奈表示,前男友在買戒指的時候,從來沒有講過這番説話,而且對方只是付了一半錢,更重要的是,由對方提出分手,她反問:「係邊個唔遵守承諾?唔好而家走黎同我講將消費券對番現金比你。」最後,樓主表示慘被前男友拉黑處理。

韓劇《社内相親》劇照,非當事人

帖文引起熱烈討論,網民認爲前男友做法小氣兼「肉酸」,一早應該分手:「咁cheap」、「好在分咗手,呢啲咁嘅人好行唔送」、「分手睇人品」。另有網民提醒樓主消費券不可以套現,搞笑留言:「消費券Cash in係犯法」、「套現?」、「以為你男友係港女」。

↓↓ 點圖查看 網民留言 ↓↓

  • 網上圖片
  • 網上圖片
  • 網上圖片
  • 網上圖片
  • 網上圖片
  • 網上圖片
  • 網上圖片
  • 網上圖片
  • 網上圖片

 

來源:lovers_channel_

睇盡最新美妝時尚情報及女生話題!
Chloe
Chloe 膚質:混合偏乾型敏感肌
普拉提新手,獨處更加舒心的韓劇中毒者&書迷!不惜花大錢鑽研低敏高效的護膚品,貪靚卻有著「極難搞」肌膚。

最高瀏覽