正在閱讀
【油一天agenda】OL護膚神器   返工隨時滋潤自己

【油一天agenda】OL護膚神器 返工隨時滋潤自己

發佈時間: 2016.08.03

平日返工已經做到一頭煙,想由朝到晚都保持粧容同精神處於最佳狀態,真係一啲都唔容易,唔通真係要將屋企成堆化粧品搬晒返公司  standby?有橋妙既!放定一支 Olay White Radiance 既「光度 booster」百搭美白油响 office,再配搭唔同既個人護膚產品同化粧品,就可以早、午、晚發揮唔同既功效,難怪呢支百搭油會獲得 OL 一族譽為「護膚神器」!

.返工前

要保持精神煥發,最緊要係之前一晚瞓得好,我習慣臨瞓前用百搭油代替 sleeping mask,因為普遍面膜好容易响開住冷氣既情況下令到水份被抽乾,敷咗等於無敷。百搭油既強力滲透同滋潤效果就無呢個問題,清新芳香仲可以幫助入睡添。

之後就要快快手化粧出門口,我會加一至兩滴美白油落底粧度,因為可以令到成個粧顯得更有光感,而且望落亦會更加貼服。如果成日覺得自己化既粧點睇都唔夠自然,就要試吓呢個小秘訣啦!

.工作中

返到公司成日捉摸文件,雙手既油份好容易俾啲紙張吸走晒,久而久之對手就會變得乾涸甚至爆拆,就算記得搽 hand cream,搽完無耐又要再補。教你另一個小秘訣,下次搽  hand cream 嗰陣可以加兩滴百搭油落去塗均,你會發現滋潤效果持久好多。

有時做到攰攰地,或者到咗 lunch time小休既時候,有幾種方法可以幫自己提提神。首先,可以試吓將百搭油搽响身體唔同部位,好似平日用香薰按摩油咁,輕輕搓揉穴位有助紓緩減壓。又或者試吓滴兩、三滴百搭油落小睡枕度,閉目養神小休一陣,芳香氣味會令人覺得好鬆馳舒服。有時對電腦對得耐,可以試吓噴少少加咗百搭油既有機花水,肌膚既體溫會慢慢將百搭油既清新香氣揮發出黎,一樣好有醒神作用架。

.放工後

如果放工之後有約朋友食飯,我一定會响臨離開公司之前補定粧。每日到咗呢個時候,眼線都難免會有啲走樣,可以試吓沾幾滴百搭油落棉花棒抺走佢再畫過。另外仲可以响補唇色時加一至兩滴美白油,唇膏立即變身 lip gloss,成個 total look又係另一件事。至於頭髮方面,百搭油一樣啱用,搽少少落髮尾,望落去秀髮就更加柔順光澤充滿彈力。

返到屋企卸粧都有學問,因為用普通卸粧用品對皮膚好傷,所以近排好流行用刺激較少既卸粧油錫住嬌嫩肌膚,呢支美白油都一樣可以當卸粧油黎用。臨瞓記得用佢做 返  sleeping mask,就能夠為一日 24 小時既滋養任務劃上完美句號嘞!

=============

OlayWhite Radiance多效輕透美白油(建議零售價:$259.9,40ml)。

https://www.olay-wr.hk/#oil

*資料由客戶提供