正在閱讀
期間限定!SHISEIDO Parlour登陸連卡佛

期間限定!SHISEIDO Parlour登陸連卡佛

發佈時間: 2017.11.10

各位sis,講到日本美容品牌,一定會諗起SHISEIDO。SHISEIDO化妝品護膚品平時就用得多,但係位於日本的SHISEIDO Parlour有冇朝聖過呢?SHISEIDO Parlour在日本來頭唔少,係SHISEIDO旗下嘅飲食品牌,設有多間高級餐廳,據說每年可賣出50萬件芝士蛋糕,其中FARO意大利餐廳仲多年榮獲米芝蓮一星!未去過,未去到都唔緊要,因為首間海外聯乘專櫃要登陸連卡佛喇!想知更多睇埋落去啦。

 

115 周年!

靚,當然是福原有信先生一直對生活的追求。除了外表的美麗,對佢嚟講,美食都係一種美麗的文化同藝術!而且福原有信先生一直熱愛西方文化,所以於1902年創辦咗SHISEIDO Parlour,當時賣下汽水、雪糕及新奇小食,其後在1928年,正式於東京銀座開始西餐廳。若去開東京,一定要去食件cake或食餐飯,在銀座非常易搵,因為SHISEIDO Parlour唔止係一個地標,整棟設計仲要係磚紅色外牆,好醒目。

 

日本人嘅手信

去SHISEIDO Parlour除咗可以坐低慢慢食,仲可以買得走。其中有幾道名物,芝士蛋糕同朱古力,好受日本人歡迎,每年過時過節,佢哋都會特登嚟買返幾盒送禮自用。當然不少識食之人,去開東京旅行都會買返香港。見到都想食?而家唔使特登飛過去,因為SHISEIDO Parlour嚟咗香港喇!

 

期間限定!SHISEIDO x Lane Crawford限定聯乘專櫃

今次SHISEIDO同連卡佛合作,由即日起,銅鑼灣、尖沙咀同IFC嘅連卡佛均設有聯乘專櫃!今次呢個專櫃設計成個桃紅色禮物盒咁,專櫃仲印有燙金字,夠Grand又注目,Sharp到入連卡佛一望就望到個專櫃!

為慶祝今次聯乘,仲特別設計咗香港獨有嘅限量別注版SHISEIDO Parlour朱古力。呢款朱古力睇到個設計已經心心眼,同樣用上桃紅色設計印上金色字體,未食已經Sweet到暈,買定聖誕節去畀任何一個人,都一定冧死人。

 

SHISEIDO X Lane Crawford節日限量SHISEIDO Parlour別注朱古力


入面有3款特別為連卡佛而設計的朱古力,包括︰夾住西柚味軟心黑朱古力、夾住雜莓味軟心的白朱古力,及內榛子醬的牛奶朱古力。


SHISEIDO X Lane Crawford 節日別注禮盒


想擁有香港別注版朱古力,而家只需購物滿$2,500(優惠組合除外),就可免費獲贈總值$2,200的節日別注禮盒!呢set嘢除咗有別注朱古力,仲裝住著SHISEIDO十大皇牌產品架!

 

今次呢個聯乘,當然唔少得引入多款日本SHISEIDO Parlour精選禮盒啦!

 

 

芝士蛋糕 $190 / 6件

來自日本銀座極人氣的芝士蛋糕!點解咁人氣,因為用咗最上盛的芝士燒製而成,入口即溶,濃濃芝士味滿佈,入口即溶。

吉士布甸$220 / 6個

一個字︰濃!布甸用的雞蛋、牛奶、日本黃糖,焦糖漿等,都係用上高品質材料製造,口感食落仲勁幼滑。

 

想知更多詳情︰http://bit.ly/2iDzKe5

 

 

聯乘店詳情︰

時代廣場連卡佛 銅鑼灣勿地臣街1號時代廣場 (2017年10月20日至2018年1月2日)

廣東道連卡佛 尖沙咀廣東道3號 (2017年10月21日至2018年1月2日)

國際金融中心商場連卡佛 中環金融街8號國際金融中心商場3樓 (2017年10月23日至12月26日)

 

資料來源︰SHISEIDO