吉蒂「驚嚇」第二擊--Kitty出男裝!?
發佈時間: 2014.09.15

早前的一場關於「Hello Kitty唔係貓」的消息令江湖引發起一場大動盪,不少吉蒂迷直言自覺被欺騙了(喂,真係唔係喱,Kitty 明明有貓耳朵、鼻子和貓鬚呀!!仲要叫做 Kitty喎,同人樣爭幾條街)。正接受事實兼為自己喜愛多年的卡通人物重新下定義之際,日本Sanrio 公司繼續食住個勢,慶祝貓模貓樣小妮子 Hello Kitty誕生四十週年,推出史無前例的「Hello Kitty Men」系列,講白少少即是Hello Kitty 出男裝!

 

Sanrio 會於九月中旬在東京阪急百貨男性館 Hankyu Men's Tokyo舉行第一個名為「HELLO KITTY MEN meets HANKYU MEN'S TOKYO」的展覽會,會販售分別由日本設計公司 Nendo、平面設計師 Mina Tabei 以及設計工作室 OUWN 代表 Arsushi Ishiguro 設計的別注版上衣,顧客凡購物滿 ¥16,200(折合港幣約$1,170),即得到特別版禮物-- Hello Kitty Men咭套一個。而 Hello Kitty的原創者清水侑子 Yuko Shimizu 亦會到場舉行一場座談會,身處東京的吉蒂迷就要把握機會了!

 

回顧四十年,Kitty百足咁多爪,餐飲、航空、美容、文具……小至隨手拿起的一支 HK筆,大至成架飛機都是 Kitty,這位「小女孩」(sorry,筆者唔係粉絲,但真係未完全接受到!)的形象一直都是非常 girly的,不知道 Sanrio是次搞作是否能成功打破 HK的傳統框框,但筆者相信香港的男士內心求神拜佛希望這條 men's line不會在本港推出,anyway各位 bb豬自己醒醒定定啦!

 

延伸閱讀

Hello Kitty不是貓?她是英國女孩!

當 Superheroes 都穿上 Hello Kitty 少女裝

 


最高瀏覽