簡約又低調!夢幻粉色系姊妹紗裙靈感推介
簡約又低調!夢幻粉色系姊妹紗裙靈感推介
Missmiki 發佈時間: 2019.04.24

結咗婚已經有三個月時間,終於有時間繼續寫返關於婚禮既Blog。喺沖繩行完婚禮好多人都讚姊妹裙好靚好夢幻,所以今想同大家分享姊妹裙。問過身邊好多朋友,原來通常姊妹裙嘅顏色同款式係新娘揀比姊妹,所以姊妹淨係上去度尺寸就可以。好彩我嘅姊妹唔太多,可以一齊商量想著咩顏色。

因為我籌備婚禮嘅時間唔多,所以係婚禮前二個月左右先訂姊妹裙。好彩係Facebook搵到一間快靚正嘅姊妹裙,先可以趕得切係10月底拎到衫。第一次同姊妹上去fitting 已經睇中咗呢條勁夢幻嘅姊妹裙,如果有睇2018年wedding dress trend都知道嗰時好流行雙色紗裙,估唔到呢度都有粉紅色平粉藍色嘅紗裙,而且摸落去質地唔錯。

其實訂姊妹裙預得越多就越平,有唔少朋友因為想湊夠數慳返少少而搵多啲姊妹,其實都唔係慳得好多。由於我有四個姊妹,所以當時價錢係$380一個,呢個價錢係度身訂造,拎裙嘅時候可以包一次改。婚禮當天的照片~

總括而言,呢間姊妹裙專門店真係值得推薦比大家。除咗價錢合理、姊妹裙質地唔錯之外,老闆娘態度勁好。我當時去訂姊妹裙,冇講自己係Blogger佢亦唔知道我會分享上網,佢都依然好有耐性解答我問題而且我不停催單佢都冇唔耐煩。

【編按:如果大家想了解姊妹裙店詳情,請直接與Blogger Missmiki米奇小姐查詢。文章題目經編輯修改,原題為「婚享丨我的沖繩夢幻婚禮丨自費推薦的姊妹裙」】

 

睇盡最新美妝時尚情報及女生話題!
關於 Missmiki 彩妝 | 護膚 Blog:  Missmiki 的 U Blog 網誌
90後人妻、護膚控、喜歡測試化妝品 女生就是要懂得愛自己,管理好自己。 婚後不要做黃面婆,努力令自己變更美,跟我一起努力吧!
誠徵專欄作者 如希望成為U Beauty專欄作者,請將個人照片30-50字簡介,連同個人博客/社交平台連結電郵至 column@ulifestyle.com.hk,我們將與您聯絡。

品牌名稱點樣讀?
U Beauty
《品牌小字典》
教您讀,無難度! 立即用